Diçka që nuk ka ndodhur më parë deri më tani, janë duke bërë ambasadat e vendeve të huaja në Shqipëri.
Siç raportohet, këtë mëngjes dhe gjatë ditëve paraardhëse, ambasadat në Tiranë u kanë dërguar e-mail shtatasve të tyre që ndodhen në territorin tonë.
Ato u kërkojnë atyre të regjistrohen në sistemin e emergjencës për këshillat e sigurisë, në rast rreziku, sipas “Lapsi”.
Siç mësohet, ky është një lloj protokolli sigurie që nëse ndodh diçka të gjithë shtetasit e huaj të jenë të lajmëruar në kohë reale.
Kjo nuk ka ndodhur në të kaluarën. Ky protokoll të tregon ku të lëvizësh dhe kë të kontaktosh në rast rreziku.
Kjo nuk është aplikuar në asnjë nga zgjedhjet parlamentare në të kaluarën dhe është një shenjë se selitë diplomatike në Tiranë mund të kenë informata që situata në Shqipëri rrezikon të përshkallëzohet me afrimin e datës 30 qershor.