Ashtu siç kishte paralajmëruar edhe më parë, reporteri i Bild ka nxjerrë 10 përgjime të reja, të cilët implikojnë funksionarët e lartë socialistë, në manipulimin e procesit zgjedhor në Dibër.
Në përgjimin e parë, tregohet sesi policia e Dibrës, me ndihmën e biznesmenëve, ndikon në zgjedhje, duke bërë propagandë, që të votohet PS-ja.
Përgjimi është pjesë e dosjes "184", që qëndron prej tre vitesh në sirtarët e prokurorisë.
Në përgjim shfaqet shefi i policisë së Dibrës , Robert Aga, i cili i tregon biznesmenit Bekim Krashi strategjinë për të siguruar votat.
Aga flet gjithashtu edhe me Gjiknurin, i cili e komplimenton për rezultatin.
Biseda
Shefi i policisë Robert Aga: Hë djalosh…
Bekim Krashi: Ca keni bo, ça keni bo, se na keni mbyt fare, sna keni lo gjo me bo. Plus kudo jeni, vetëm te ne jemi minus 10. Do t’i nxjerr krejt dhe do ti jap me letër.
Shefi i policsë: Duhet të kem 1000, poshtë 1000 nuk e pranoj.
Bekim Krashi: Aq sa folëm, aq sa folëm, keni bo pretendime të mëdhaja. Ja ti mbledh, ti jap unë të dhënat
Shefi i policisë: Hej, o shpirti i vëllait po ti kujton që ishin budalla ata që bënin ashtu si…
Bekim Krashi: Po prandaj donin të bënin rrëmujë ato, unë prandaj i thoja komisionerëve janë të humbur këto
Shefi i policisë: O shpirti i vëllait, më dëgjo, ajo strategjia ime funksionon
Bekim Krashi: E di mo e di, ti ke deklaru si komisar policie
Shefi i policisë: Hej a e ke Damian Gjiknurin aty…
Bekim Krashi: Ça do, t’ia jap telefonin…
Shefi i policisë: Jepja pak.
Shefi i policisë; O shef
Damian Gjiknuri: Ë mo ca bën
Shefi i policisë: Si je?
Damian Gjiknuri: Mirë fare, tullë, tërmet, tërmet. i madh, ik mos fol shumë, hajde pafshin
