Erion Veliaj njihet për propagandën e tij të pakufishme. Ai shprehej kohë më parë, se suksesi i Bashkisë së Tiranës në drejtimin e tij, është edhe ndërhyrja nëpër periferi dhe rrugica.
Mirëpo realiteti është tërësisht ndryshe. Një qytetar ka dërguar në redaksinë e JOQ Albania fotot e rrugës Hasan Alia në zonën e Kombinatit në kryeqytet.
Nga pamjet duket se rruga është në gjendje skandaloze dhe përbën problem si për makinat, por edhe për këmbësorët.
Nisur nga kjo situatë, banorët e Kombinatit kanë ngjitur disa njoftim, ku bëjnë thirrje që askush të mos votojë në zgjedhjet e 30 qershorit.
Sipas banorëve, Veliaj dhe Gjylameti kanë premtuar se do të rregullojnë rrugën, por në fakt nuk e kanë bërë një gjë të tillë, duke mashtruar.
Në njoftimin e banorëve thuhet më tej se rruga vazhdon të jetë si në vitin 90′.
