Gazetari i vrarë saudit, Jamal Khashoggi u drogua me një qetësues dhe u mbyt më pas me një qese plastike.
Kështu thuhet në një raport të ri të publikuar nga sipas një raporti të ri të Kombeve të Bashkuara.
Një regjistrim audio i momenteve të fundit të Khashoggi-t tregon qartë se si vrasësit e tij diskutuan për ta prerë trupin e tij në copa, përpara se të kapnin shkrimtarin disident.
Jamal u torturua dhe u vra brenda ambienteve të konsullatës saudite në Stamboll më 2 tetor.
Përveç kësaj, hetimi i OKB-së ka gjetur gjithashtu se ka 'dëshmi të besueshme' se Princi i Kurorës së Arabisë Saudite, Mohammed bin Salman, është përgjegjës për vrasjen e kryer vjeshtën e vitit që shkoi.
Agnes Callamard, një raportuese speciale e OKB-së, e cila e ka dëgjuar regjistrimin, ka bërë thirrje për një hetim nëse pragu i përgjegjësisë penale është përmbushur.
Në një raport prej 99 faqesh, ajo shton se ekspertët e konsiderojnë si 'të pakonceptueshëm' faktin se një mision i tillë i sofistikuar ku kanë marrë pjesë 15 njerëz, me qëllim vrasjen e gazetarit, të mund të ketë ndodhur pa njohurinë e princit Mohammed.
Burimi:Mail Online|Përktheu dhe përshtati: JOQ Albania
