Antimafia e Napolit ka shkatërruar një bandë droge të përbërë nga shqiptarë dhe italianë, duke arrestuar 10 persona. Në prill të 2016, pas hetimeve, u arrestuan 30 persona. Trafiku i kokainës kryehej në aksin Torre Annunziata-Napoli- Amerikë Jugu dhe kreu i organizatës ishte Bernardo Tamarisco, i dënuar me 20 vite burg me vendim të prerë.
Nga përgjimet ambientale, është arrestuar edhe kunati i Tamariscos, Rocco Costabile dhe Andrea Gallo. Këta të fundit kishin blerë drogën nga një bandë shqiptare, ndërsa ndërmjetësi ishte Bruno Grosso.
Në vijim të hetimeve, u zbulua edhe grupi kriminal i përbërë nga shqiptarë dhe napoletanë. Shqiptarët siguronin transportin e heroinës dhe marijuanës nga Turqia.
Sipas mediave italiane, fornitori shqiptar ishte Faslli Qibini, ndërsa pjesë e bandës ishte edhe djali i tij, Jonjad Qibini. Ky i fundit ishte furnizuar disa herë nga vëllai i tij Denis Martaneshi.
Ndërkohë nga përgjimet është bërë i mundur arrestimi i korrierit Leonard Papa në 25 prill të 2016-ës, të cilit iu sekuestruan 4852 kg heroinë. ndërsa në 30 janar të 2017, policia sekuestroi 65 kuintalë marijuanë dhe arrestoi korrierët e Denis Martaneshit, Denis dhe Bledar Vogli.
Burimi: Ilquaderno|Përktheu dhe përshtati: JOQ Albania