Mëngjesin e sotëm, bota e futbollit është tronditur nga një lajm i bujshëm. Ish-Presidenti i UEFA-s, Michel Platini është arrestuar pasi akuzohet për korrupsion.
Mbi francezin rëndojnë akuzat e dhënies në mënyrë të paligjshme të drejtat e organizimit të Kupës së Botës 2022 ndaj shtetit të Katarit.
63-vjeçari ndodhet aktualisht në paraburgim në një stacion policor në Nanterres, një lagje në kryeqytetin e Parisit.
Michel Platini ka një karrierë të lavdishme si futbollist, por mesa duket, kostumi i zyrtarit e ka shkatërruar si njeri.
Platini është një njeri i "urryer" edhe nga shqiptarët. Gjithçka lidhet me deklaratën e tij të famshme pas ngjarjes së 14 tetorit të 2014-ës në Beograd ku Ballist Morina ngriti dronin me Shqipërinë e madhe.
Platini u shpreh:
Një deklaratë e çuditshme, e pakuptimtë dhe në momentin e gabuar. Në atë periudhë Platini ishte president i UEFA-s dhe ky instutucion i dha fitoren në tavolinë Serbisë, por gjithçka u ndryshua në CAS dhe drejtësia u vu në vend.
Gjithsesi, me fjalët që nxori nga goja, Platini i bëri "armiq" shqiptarët të cilët në rrjetet sociale sot janë gëzuar për arrestimin e tij./JOQ Albania/