Me sa duket, kanë ikur ato kohë kur meshkujt duhej të shkonin në palestër dhe të punonin fort për të bërë muskujt e barkut, në mënyrë që t'i bënin përshtypje femrave, pasi sipas një studimi të ri, “breshkat” kanë dalë nga moda dhe gjinia femërore po pëlqen gjithmonë e më shumë barkun.
Sipas Planet Fitness, në Amerikë pak bark tek meshkujt duket më tërheqës sesa muskujt e barkut të formuar mirë.
Nga të gjithë njerëzit e përfshirë në studim, 61% e femrave kanë pranuar se barku është më tërheqës, çfarëdo lloj forme që ai ka, duke i bërë meshkujt më seksi fizikisht.
Mirëpo, nuk janë vetëm femrat që mendojnë se ky lloj trupi është më tërheqës. Edhe vetë meshkujt shprehen se ndihen më të lumtur kur kanë pak bark.
Sipas tyre, në këtë formë trupore ndihen më të relaksuar dhe në shumë raste, kanë përmirësuar edhe jetën familjare.
Kjo vjen si pasojë e mospasjes së nevojës për të shkuar në palestër dhe për të vënë veten në stres, duke qenë se nuk u duhet të arrijnë një objektiv të caktuar.
47% e pjesëmarrësve në studim shprehen se forma trupore i ka bërë të jenë më pak të përqendruar tek mënyra se si duken.
Edhe femrat, 80% e tyre kanë pranuar se një trup normal, jo i tonifikuar, është shenjë e një mashkulli që ka konfidencë dhe besim në vetëvete.
Burimi: Unilad|Përktheu dhe përshtati: JOQ Albania