Ndarja më e bujshme e momentit në Hollywood është ajo mes Bradley Cooper dhe supermodeles ruse Irina Shayk. Një marrëdhënie që zgjati disa vite dhe në jetë sollën një vajzë bukuroshe.
Të shumtë janë ata që ia kanë vënë fajin këngëtares Lady Gaga për këtë ndarje, por e vërteta, sipas thashtehemeve të fundit, është se Bradley “mungonte emocionalisht” për Irinën, gjatë kohës që ai punonte për realizimin e filmit “A star is born”.
Sipas një burimi për “People”, aktori ka qenë distant gjatë gjithë kohës që xhironte dramën muzikore me Lady Gaga.
Më tej, burimi shton se ata u munduan të shpëtonin marrëdhënien e tyre, por gjërat kishin ndryshuar shumë.
44 vjeçari i lindur në Philadelphia dhe supermodelja 33-vjeçare dhanë lajmin e ndarjes javën e shkuar, duke i dhënë fund lidhjes së nisur 4 vite më parë, në prill të vitit 2015.
Ata janë prindër të vajzës dy vjeçare, Lea De Seine Shayk Cooper.
Modelja nga Yemanzhelinsk, Rusi dhe aktori në kulmin e karrierës, arritën të mbanin të fshehtë dhe larg syrit të mediave problemet e shumta që patën mes tyre.
Burimi: DailyMail |Përktheu dhe përshtati: JOQ Albania
