Drejtuesi i një furgoni mallrash ka humbur kontrollin e mjetit, duke përfunduar në lumin Shkumbin.
Ngjarja është regjistruar pranë zonës së quajtur Kthesa e Murrashit pak orë më parë.
Sipas të dhënave të para, drejtuesi i furgonit, ka pasur të vënë rripin e sigurimit.
Sipas informacioneve, dyshohet se drejtuesi i mjetit është Klajdi Murataj nga Tirana.
Emri i tij është mësuar nga mjetet e identifikimit, pasi nuk ishte në gjendje të fliste.
Ai është nxjerrë me vështirësi nga furgoni dhe më pas është transportuar me urgjencë në Tiranë.
Mësohet se gjendja e tij është e rëndë. Policia dyshon se bashkë me Muratajn ka qenë edhe një person tjetër, të cilin mund ta ketë marrë rrjedha e lumit.