Katër persona janë ndaluar ditën e djeshme në Elbasan, si të dyshuar në lidhje me grabitjen e ndodhur në Rinas ku u vodhën disa milionë euro.
Personal e ndaluar ditën e djeshme
Mësohet se tre prej tyre janë bashkëpunëtorë ndërsa njëri prej të arrestuarve dyshohet se ka marrë pjesë në grabitje. Policia ka ushtruar kontrolle të shumta në Elbasan, Fushë-Krujë dhe Tiranë.
Ndërkohë për grabitjen është shoqëruar dhe një person tjetër, i cili ishte punonjës në një servis në Elbasan, ku dyshohet se është bërë modifikimi i furgonit që u përdor për grabitjen. Mësohet se servisi kishte më shumë se 6 muaj që ishte dhënë me qera nga ana e pronarit pikërisht Klement Çala, i cili ka nëshkruar kontratën përmes kushëririt të tij.
Kanë dalë pamjet nga servisi ku dyshohet të jetë modifikuar furgoni i grabitjes së Rinasit, si furgon i Hetimit Tatimor. Servisi ndodhet në aksin e vjetër rrugor, pranë metarlugjikut dhe është në pronësi të Gent Sharrës i cili është shoqëruar në polici.
E gjithë grabitja në Rinas ndodhi për 5 minuta. Mesa duket grabitësit kishin dijeni për gjithë trasnfertën dhe për orarin e saktë kur nisej avioni. Sipas dëshmive, grabitësit kanë hyrë lehtësisht në mjediset e aeroportit, duke qenë se automjeti i tyre mbante mbishikrimin “Hetimi tatimor”, që dyshohet të jetë falsifikuar.
Viktimë nga kjo grabitje mbeti Admir Murataj.
Ata kanë përdorur më pas maskat, ndërsa kanë qenë të veshur me uniforma ushtarake dhe të armatosur me kallashnikovë, pistoleta dhe granata dore. Të tjerët kanë mundur të largohen, duke i vënë më pas flakën automjetit me të cilin udhëtonin.
