Aktori Neritan Liçaj gjatë një interviste ka folur për gjendjen e tij ekonomike. Liçaj ka thënë se nuk është në kërkim të lekut dhe është i lumtur me varfërinë e tij.
Aktori tregoi se edhe ai e ka përjetuar edhe emigracionin, por në Itali në vendin ku ai shkoi ndihej i huaj.
Më tej ai tha:
Isha emigrant në Itali dhe kam punuar e jetuar shumë mirë. Erdha se u ndjeva i huaj, ndihesha i huaj. Të zgjedhurit e vendit ku jeton është e drejta jote. Vetëm një gjë nuk mund të zgjedhë njeriu, nënën dhe babën. Të tjerat zgjedhësh, edhe fenë, edhe vendin ku do të jetosh është e drejta jote. Dikush ka preferuar të jetoj jashtë por unë kam preferuar të jetoj këtu. Vendosa që gjithë energjitë e mia modeste t’i investoj këtu.
Kujtojmë këtu se aktori shpesh herë ka kritikuar kryeministrin Edi Rama dhe kryebashikuan e Tiranës Erion Veliajn, për vendimet që ata kanë marrë e sidomos për faktin se po kërkojnë shembjen e ‘’Teatrit Kombëtar.’’
Po ashtu gjatë kësaj interviste ai ka thënë:
Jam i lumtur me varfërinë time. Nuk pretendoj të bëhem miliarder, nuk e kam problem. Me këtë thjeshtësinë time jam shumë i lumtur unë dhe bashkëshortja ime. Por preferoj të jetoj në vendin tim, që përpëlitet, gjakoset, theret grihet me veten e vet por jetohet sesa në Zvicër ku nuk zihet as kosi.”
