Pasi paralajmëroi se do të marrë pjesë në zgjedhjet lokale të 30 qershorit, kryetarja e Grupit Parlamentar të PD, Rudina Hajdari, ka vendosur të krijojë një parti të re politike.
Emri i partisë do të jetë “Bindja Demokratike’ dhe pjesë e saj janë bërë që tani disa prej figurave që kanë qenë pjesë e rëndësishme e Partisë Demokratike, raporton Vizion+.
Mësohet se pjesë e saj do të jetë ish-nënkryetari i PD-së Astrit Patozi, i cili publikisht ka shprehur mbështetjen për aksionin politik të Rudina Hajdarit.
Tashmë mbetet për t’u parë nëse figura të tjera të së djathtës do t’i bashkohen kësaj lëvizjeje politike.
Nismëtarët janë drejt përfundimit të procesit të mbledhjes se 3 mijë firmave që nevojiten për të regjistruar një forcë politike e javën e ardhshme partia me e re e spektrit të djathtë do depozitojë kërkesën në gjykatë.
Mbetet ende e paqartë mënyra si do të garojë në zgjedhje partia “Bindja demokratike” pasi afati për regjistrimin e partive në KQZ skadon të martën, por kodi krijon mundësi edhe për garë me kandidatë të pavarur regjistrimi i të cilëve ka afat deri në 13 maj.
