Shikuesit e dokumentarit të Sir David Attenborough, transmetuar në BBC janë prekur nga skena e një orangutangu në “luftë” me buldozerët.
Në dokumentarin e titulluar “Climate Change”, që u transmetua mbrëmjen e së mërkurës, primati shfaqet ndërsa lufton me një buldozer me të cilin njerëzit po i shkatërronin habitatin e tij natyror.
Pyjet, të cilat janë jetike për orangutangët, po shkatërrohen dita ditës për të mbjellë parcela me palma nga të cilat prodhohet më pas vaji i palmës.
Duke qëndruar në një trung peme, orangutangu i dëshpëruar tenton t’i kundërvihet buldozerit dhe kjo skenë i ka prekur shumë shikuesit e dokumentarit.
Shikuesit i janë drejtuar Twitterit për të shprehur keqardhjen dhe revoltën e tyre për atë që po u bëhet orangutangëve dhe gjallesave të tjera, për hir të vajit të palmës.
Burimi: Mail Online| Përktheu dhe përshtati: JOQ Albania