Edi reja do jetë trajneri i ri i kombëtares shqiptare. Tekniku italian u prezantua ditën e djeshme në ambientet e FSHF-së duke nisur zyrtarisht aventurën e tij.
Tashmë 74-vjeçari po plotëson edhe stafin e tij, teksa është zbuluar edhe një lëvizje surprizuese.
Përveç Ervin Bulkut, në krah të tij do të jetë edhe Hamdi Salihi.
Ish-sulmuesi u tërhoq nga futbolli i luajtur vetëm pak javë më parë. Tashmë shkodrani do të jetë pjesë e stafit të trajnerit të ri në kombëtaren e Shqipërisë.
Hamdi Salihi pati një takim me teknikun italian menjëherë pas prezantimit të tij zyrtar në pankinën kuqezi.
Ende mbetet për t’u mësuar se cili do të jetë roli i ish-sulmuesit në stafin teknik të përfaqësueses, megjithëse me shumë mundësi mund të ketë një detyrë të lidhur me përgatitjen e sulmuesëve