Barcelona fitoi mbrëmjen e së martës 3-0 në shtëpi përballë Manchester United duke u kualifikuar në çerekfinalet e Champions League.
Gjatë ndeshjes së luajtur në "Kamp Nou" është regjistruar një moment interesant.
Trajneri i United, Solskjaer, ka shkruar një copë letër me disa udhëzime dhe ia ka dorëzuar Rashfordit, por sulmuesi nuk është treguar i kujdesshëm dhe e ka humbur pas një dueli me Pikenë.
Me letrën e cila ka rënë në hyrje të zonës katalanas, portieri Ter Shtegen nuk ka rezistuar dot.
Ai është afruar për të parë se çfarë kishte shënuar tekniku i ‘Djajve të Kuq’, duke ‘spiunuar’ kështu në një farë mënyre kundërshtarët.
Në letër ishte një udhëzim ndaj skuadrës për të ndryshuar rreshtimin në fushë, por letra përfundoi në duart e gabuara.
Një moment që nuk është humbur nga telekamerat teksa video e gardianit të Barcelonës është kthyer virale në rrjetet sociale.
