Trajneri i Juventusit, Masimiliano Alegri është me mendimin: Provo përsëri!
Tekniku bardhezi, nuk dorëzohet, pavarësisht se u eliminua nga Ajaxi në çerekfinalet e Championsit,
Ai deklaroi pas ndeshjes se ia ka bërë të qartë presidentit Anjelit të ardhmen e tij, se kërkon që të vazhdojë te Juventusi.
Alegri u shpreh:
Të mos e harrojmë që kjo skuadër ka luajtur në finalen e Europa League dy vite më parë. Këto skuadra janë të krijuara me lojtarë të fortë, gjithsesi, nuk e nënvlerësuam kundërshtarin që kishim përballë.
Këto ndeshje luhen në detaje, dhe për fat të keq, nuk kisha disa elementë të rëndësishme si Kosta, Khedira, Kielini apo Manxukiç. Dorëheqja? Me presidentin Anjeli kemi folur dhe më parë. Ja kam komunikuar atij vendimin tim që unë të qëndroj te Juventusi.
Gjithsesi, në ditët në vazhdim, për çdo rast do takohemi sërish. Ronaldo? Ai na ka dhënë shumë në Champions këtë vit e përgjatë sezonit. Por, të fitosh këtë trofe duhet të jesh në gjendjen më të mirë në të gjitha ndeshjet, ndërsa ne kemi lojtarë të dëmtuar prej 1 muaji e gjysmë."
