Sfida e luajtur mbrëmjen e djeshme mes Liverpoolit dhe Portos, e vlefshme për çerekfinalen e Champions League është mbyllur me disa momente shumë të diskutueshme për arbitrin, Mateu Lahoz.
Ai gaboi në dy raste duke mos dashur të përdorë teknologjinë VAR e duke i lënë të gjithë përgjegjësinë atyre që ishin në sallë, njëkohësisht edhe duke favorizuar në dy raste Liverpoolin vendas.
Në rastin e parë, Alison gaboi në kontrollin e topit duke e përplasur në krahun e Aleksander-Arnold.
Gjyqtari akordoi goditje këndi ndërsa VAR po rishikonte momentin.
Teorikisht, meqë mbrojtësi ishte brenda fushës, duhej të ishte penallti, por gjyqtari as nuk e mori në konsideratë të shkonte të shihte vetë pamjet.
Të njëjtën gjë bëri edhe më vonë pas një ndërhyrje të rëndë të Salah me këmbën e shtrirë.
Vendimi nga salla ishte që loja të vazhdojë, spanjolli as mori mundimin të shihte pamjet vetë e të nxirrte të kuqin për egjiptianin i cili i ka shpëtuar mirë pezullimit nga ndeshja e ardhshme.
Sigurisht që pamjet kanë bërë xhiron e rrjeteve sociale dhe shumë tifozë mendojnë se UEFA pavarësisht përdorimit të VAR, vazhdon të favorizojë në këtë mënyrë skuadra të caktuara.
