Na ndodh shpesh që të gënjehemi nga reklamat. Dhe kush nuk e ka ka parë në ekran apo në fletëpalosje atë hamburgerin gjigant dhe të shijshëm, që asnjëherë nuk e pamë "live" ashtu.
Megjithatë, në Tokio të Japonisë duket se kjo është e mundur, pasi Patrick Shimada, kuzhinier restoranti, përgatit jo vetëm hamburgerin më të shijshëm, por edhe më të shtrenjtë.
Normalisht, këtu pyesim: Përse mund të kushtojë rreth 800 euro një hamburger?
Gjithçka qëndron në mënyrën e përgatitjes së tij, ndaj shef Shimada na e tregon atë.
Hamburgeri që peshon mbi një kilogramë, ka copëza mishin të prera hollë, një sos të veçantë të punuar nga mëlçitë e rosës, kërpudha të rralla, lakra, djathë të butë, domate dhe qepë.
Ky hamburger është krijuar, për të festuar kurorëzimin e Prioncit Naruhito, si Mbreti i ri i Japonisë.
Më e veçanta e këtij ushqimi, është se përmban edhe pluhur ari, që i jepë një shije të përkryer.