Një ngjarje e rëndë u regjistrua pak ditë më parë në Basel të Zvicrës, ku një 75-vjeçare vrau me thikë një 7-vjeçar shqiptar.
Komisioneri për krime në Basel, Peter Gill, ka deklaruar se e moshuara ndodhet në paraburgim dhe pritet që t'i nënshtrohet kontrolleve, për të vërtetuar nëse ka apo jo probleme mendore.
Nga zyra e prokurorisë ndërkohë, bëjnë me dije se 75-vjeçarja kishte njoftuar disa persona dhe institucione menjëherë pas krimit.
Psikiatri i gjykatës, Josef Sacsh ka hedhur dyshime se e moshuara e ka kryer krimin për t'u bërë e famshme, megjithatë deri tani nuk është vërtetuar ende.
Ai ka ngritur dy hipoteza duke thënë se krimin e moshuara mund ta ketë kryer për shkak se kishte shumë borxhe të papaguara, ose vrasja është e motivuar ideologjikisht.
E moshuara kishte probleme të shumta me autoritetet për shkak të borxheve të mëdha. Në Basel të shtunën u zhvillua një marshim, ku qindra njerëz dënuan aktin makabër.
Ndërkohë lamtumira e fundit 7-vjeçarit iu dha në varrezat e Gjilanit.