Informacion Paraprak
Një ngjarje e rëndë është shënuar këtë pasdite në kryeqytet.
Haxhi Baçinozi 62 vjeç ka mbetur i vrarë pasditen e sotme tek Liqeni Artificial i Tiranës.
Viktima ishte duke vrapuar dhe shoqërohej nga i biri i mitur, kur e ekzekutuan me armë zjarri.
Sipas informacioneve të para kanë qenë dy persona me armë zjarri, të cilët kanë ekzekutuar 62-vjeçarin. Sipas burimeve për JOQ Albania, viktima është qëlluar nga 2 persona të maskuar 4-5 herë me armë zjarri.
Njëri prej atentatorëve të dyshuar mban inicialet I.H dhe është nga qyteti i Fierit.
Nuk dihen ende detaje të tjera apo motivet që çuan në këtë tragjedi. Policia dhe ambulanca ndodhen në vendngjarje.
Dëshmitarë për JOQ Albania kanë raportuar ekskluzivisht nga ngjarja, skenën e frikshme:
NJOFTIMI I POLICISË
Tiranë Informacion paraprak Rreth orës 18:15, tek Liqeni Artificial, është vrarë me armë zjarri, shtetasi H. B., 62 vjeç. Policia ka identifikuar autorin dhe po punon për kapjen e tij.