Armando Sulejmani, i mbijetuari i vetëm i atentatit të ndodhur dy ditë më parë në zonën e Ujit të Ftohtë në Vlorë, është arrestuar ditën e djeshme nga policia.
I njohur ndryshe edhe me nofkën “Çipuri”, Sulejmanit i është komunikuar masa e arrestit në spital, ku edhe po merrte mjekim.
Ai është etiketuar si pjesëtar i ish- bandës së Gaxhait.
Çipuri mbeti i plagosur në një atentat, ndërsa dy persona të tjerë u vranë, mes tyre kunati i tij Orest Rexho dhe miku i tij Arjan Hasani.
Drejt Rexhos u shtinë 33 plumba, ndërsa Hasani ka marrë 14 plumba automatiku në trup.
Sulejmani prej kohësh qëndronte i fshehur dhe bënte një jetë mes Tiranës, Durrësit dhe Vlorës.
Ai lëvizte gjithmonë i armatosur dhe shpesh herë përdorte kunatin e tij Orest Rexho, si taksist duke e transportuar nga njëra bazë në tjetrën.