Analisti Fatos Lubonja duke komentuar vendimin e Lulzim Bashës për djegien e mandateve ka thënë se opozita nuk mund të jetë fasadë e këtij regjimi autokratik.
Ai shton më tej se me lënien e mandateve delegjitimohet më shumë dhe demaskohet para ndërkombëtareve kjo lloj Shqipërie që paraqitet nga Rama si demokraci.
Lubonja tha se duhet të rrethohet Prokuroria e Krimeve të Rënda tashmë. “Lufta e dy bandave degjeneroi në fitoren e njërës bandë. Tani duhet të kthehen në parti.”
Kështu e komentoi Fatos Lubonja krizën politike dhe shtetërore ku po përfundon Shqipëria.
Deklarata e Lubonjës:
E keqja kryesore e këtij vendi është Rama, ai i poshtëron çdo ditë, ju thotë deputetëve të opozitës se janë qenë që lehin, pra për të je i vrarë, i papërfillur. Në këtë situatë jemi përballë të panjohurave, ndaj unë shkoj në prokurori dhe ju rrethoj zyrat, se i kanë provat për vjedhjen e votave në zgjedhje.
Çfarë ndodh në botë? Në një rast të tillë kryeministrit i hapet një proces për vjedhje votash dhe le të thotë ky pastaj Dako do zgjidhet prapë se këto të përgjimeve janë veç llafe.
Mjaft më! Unë rrethoj Prokurorinë dhe nuk e lë këtë të dalë pa e marrë një vendim. S’ka nevojë fare të reflektojë Rama, shkoj atje e rrethoj Prokurorinë.”