Është vetëm 19-vjeç, por Vinicius Junior po luan titullar te Real Madridi madje duke bërë paraqitje fantastike.
Pas largimit të Cristiano Ronaldos dhe lëndimet e njëpasnjëshme të Gareth Bale dhe Marco Asensios, braziliani ka fituar besimin e trajnerit dhe ka fituar fanellën e "galaktikëve".
Mrgjithatë, ai nuk është i kënaqur me pagën që e ka te klubi spanjoll dhe po kërkon një marrëveshje të re.
Sipas "Don Balon", sulmuesi brazilian po kërkon 10 milionë euro në sezon.
Braziliani gjithahtu ka kërkuar që në kontratën e re, të vendoset edhe një marrëveshje me bonuse, por edhe të ketë më shumë minuta për lojë.
I kapur ngushtë, Reali duket se është detyruar të pranojë kushtet e lojtarit dhe shumë shpejt pritet të vijë fima e re mbi kontratë.