Sot në mbrëmje në Romë luhet sfida mes Lazios dhe Sevillas e vlefshme për Europa League.
Tensioni para ndeshjes ka qenë mjaft i madh, teksa mbrëmë ka pasur një sherr masiv mes dy tifozerive.
Situata ka degraduar, madje janë përdorur shkopinj dhe thika.
Si pasojë e këtij sherri, kanë mbetur të plagosur 3 persona, mes të cilëve 1 spanjoll, një anglez dhe një italian ku dy të parët janë në gjendje më të rëndë.
Është dashur ndërhyrja e policisë për të shpërndarë grupin e tifozëve të cilët kishin mjete të forta dhe nëse situata nuk do të qetësohej, sot mund të flitej edhe për viktima.