Gjiganti koreano-jugor i teknologjisë, Samsung ka konfirmuar datën kur do të sjellë prurjet më të reja. Kompania do ta mbajë eventin e prezantimin të produkteve të reja, të quajtur “Unpacked 2019” më 20 shkurt.
Ky event pritet të sjellë të shumëpriturin Galaxy S10 dhe celularin e palosshëm, Galaxy X për të cilin është folur shpesh si dhe modele të tjera.
Ndërkohë, në internet tashmë janë zbuluar edhe foto të këtyre modeleve. Ashtu si Apple me iPhone-t e rinj, mendohet se Samsung do të sjellë tre pajisje të gjeneratës së fundit.
Zbulimin e ka bërë, Evan Blass në llogarinë e tij në Twitter.
Tre modelet e reja vijnë në përmasa të ndryshme. S10E, në të majtë mendohet të jetë edhe e varianti më i lirë. Modeli S10+, i cili ndodhet në të djathtë, vjen me tre kamera në pjesën mbrapa dhe me dy përpara.
Fotot e publikuara nuk na tregojnë shumë veç dizajnit të jashtëm, për detajet e tjera na mbetet të presim eventin e 20 shkurtit që do të transmetohet direkt edhe në rrjet.
Prezantimi i produkteve të reja nis në orën 11 të mëngjesit, PT.