Kryeministri Edi Rama ka dalë ditën e sotme në një komunikim live në Facebook ku u është përgjigjur disa pyetjeve të komentuesve, ndër të cilat ishte edhe ajo për Taulant Mukën.
Muka denoncoi për plagjiaturë zv. ministrin e Arsimit Ervin Demo dhe më pas Rama e emëroi direkt Mukën në vend të tij.
Kryeministri ka treguar se si e ka takuar shkencëtarin që ka jetuar në Zvicër dhe pse ai dha dorëheqjen.
Ndër të tjera Rama e ka quajtur Taulant Mukën një "larvë" ndërsa ka thënë se kërkonte veturë dhe kushte që shteti nuk kishte mundësi t'ia plotësonte.
Kryeministri tha:
Taulant Muka më erdhi me një grup pedagogësh. Kërkoi takim me ministren e arsimit Lindita Nikolla, e cila më tha që kam një djalë që ka një vlerë për këtë për atë. Kisha dëshirë ta takoja. Erdhën në zyrën time , këtë e nderova më shumë se të tjerët. Më tha unë jam në Zvicër shkencëtar etj. Tani ky që na hedh shashka këtu që na bën sic duhet ta bëjmë sikur s'shkon mendova. Dhe i thashë: Aizv ministër që ti e akuzon për plagjiaturë thotë që ti s'ke të drejtë. Ti shko në vendin e tij. Më tha që nuk e prisja. I thashë sa gjëra ka që si pret ti. Ditën e parë dua veturë me shofer. Nuk ka veturë zoti zv ministër, si ka mundësi tha. Po banjon pse nuk e kam në zyrë, babain e dua shofer në ministri. Unë se takova më dhe i thashë merre me qetësi, mund të jesh shkencëtar por kjo s'do të thotë gjë. Ti që erdhe të na shpëtosh Shqipërinë je vetëm një larvë kaq mendoj unë për ty."