Davide Astori u nda tragjikisht nga jeta mëngjesin e 4 marsit të këtij viti teksa u gjend i pajetë nga në dhomën e hotelit ku ishte grumbulluar me ekipin e Fiorentinës.
Në fillim, u mendua për një vdekje natyrale megjithatë, hetimet në Itali vazhdojnë për zbardhjen e plotë të humbjes së tij.
Sot, një nga gazetat më prestigjioze italiane “La Nazionale” ka zbardhur fakte të reja tronditëse në lidhje me vdekjen e futbollistit.
Sipas kësaj gazete, Astori ka kryer vizita mjekësore vetëm një vit para se të ndodhte ngjarja dhe është vënë re nga kontrollet, se zemra e tij nuk funksiononte mirë.
Fakti që në fillim janë marrë sinjale për këtë problem, ka bërë që autoritetet italiane të marrin të gjitha dokumentet mjekësore të Astorit dhe të nisin edhe njëherë hetimet te qendra mjekësore ku është bërë kontrolli i zemrës.
Nga sëmundja e zemrës, kanë vdekur edhe shumë sportistë të tjerë, madje edhe futbollistë në fushën e blertë.
Nëse Astori do e kishte marrë më seriozisht atë vizitë, mbase mund të ishte kujdesur më tepër për veten dhe mëngjesi i 4 marsit nuk kishte rezultuar fatal për të.
