Kanë kaluar tashmë dy javë që kur efektivja e forcave “Shqiponja” Ina Nuku u plagos gjatë protestës së banorëve të “Astirit”.
Vetëm një ditë më pas, më 23 nëntor ajo u nis me urgjencë në Turqi ku po trajtohet pasi humbi dy gishta.
Aktualisht Ina ndodhet në Ankara, ndërsa ka bërë dy operacione që kanë rezultuar me sukses por operacionin më të vështirë e ka javën që vjen.
Kjo pasi pritet që të kryhet një ndërhyrje për të zëvendësuar gishtin e madh, shkruan Opinion.al.
Që prej ditës kur u largua nga Tirana me avionin e urgjencës së Ministrisë së Shëndetësisë së Turqisë, pranë saj qëndron e ëma.
Kujtojmë se për plagosjen e saj është arrestuar një 18-vjecar i quajtur Daniel Dobraj, por avokati i tij mohon të jetë i riu autori.
