Këtë javë që po lëmë pas është zbuluar një nga skandalet më të mëdha mes të cilit nuk luhen vetëm 18 milionë euro, por luhet me fatin e banorëve që kanë shtëpitë në zonën e Astirit, të cilat deshën t’i shembnin për të ndërtuar një kompani me firma të falsifikuara e po ashtu në këtë mes bëjnë pjesë edhe zyrtarë shqiptarë.
Kompania Dunwell Haberman (kompania mëmë e DH Albania, fituese e loti I me vlerë 18 milionë euro në Unazën e Madhe është themeluar realisht në 25 qershor 2018 dhe jo në vitin 1998 siç pretendohet nga kompania. Dokumentet e zbuluar më parë janë identikë veçse ndryshojnë datat, por përgjigja zyrtare nga amerikanët ka zbuluar se dokumentet që nuk janë autentike dhe nuk e kanë origjinën nga zyra e Sekretarit të Shtetit të Delaware.
Pra është bërë falsifikim në dijeni të shtetit shqiptar që e ka shpallur këtë kompani fituese të tenderit.
Për më tepër që kjo kompani (Dunwell Haberman) ka dorëzuar në QKB bilance financiare të vitit 2017, 2016 dhe 2015, por këtu ka një kontradiktë të madhe për sa kohë që autoritetet në SHBA kanë konfirmuar që kjo kompani është themeluar me 25 Qershor të vitit 2018. Si ka mundësi që një kompani “fantazmë” të dorëzojë në shtet bilance të tilla financiare kur në fakt nuk ka pasur aktivitet?!
Për këto dhe shumë të tjera që sigurisht lidhen me ministrin e Infrastrukturës dhe Energjetikës, Damian Gjiknuri, redaksia JOQ Albania ka ngritur një pyetje sondazh në faqen zyrtare të Instagram.
Pyetja e shtruar nga JOQ Albania ishte:
Përgjigja për këtë pyetje e mbi 800 mijë shqiptarëve që na ndjekin dhe lexojnë nga Instagrami ishte:
88% PO, 12% JO.
Kujtojmë që dje u bë e ditur që Damian Gjiknuri ka qenë në Amerikë pikërisht me 25 qershor, në të njëjtën ditë edhe që u regjistrua kompania “Dunwell Haberman”. Nuk dihet kjo me saktësi nëse është rastësi apo fshihen pas fakte të tjera.
