“Më mirë vonë se kurrë”, ngrihen më në fund studentët e Gjirokastrës

Ndërkohë që sot është dita e pestë e protestës së studentëve në Tiranë, të cilëve u janë bashkuar studentë nga universiteti i Shkodrës, Korçës, Vlorës dhe Elbasanit.

I vetmi universitet që nuk ka reaguar ishte ai i Gjirokastrës, i cili më në fund sot ka arritur të mbledhë studentët dhe të reagojë paralelisht me të gjithë studentët shqiptarë dhe me të njëjtat kërkesa.

Studentët e universitetit “Eqerem Çabej” po marshojnë në qytet duke kërkuar ulje të tarifave dhe përmirësim të kushteve studimore dhe atyre të banimit në konvikte.

Një studente u shpreh para mediave:

Jemi vonë, por më mirë vonë se kurrë. Ne nuk kemi asnjë kusht në shkollë. Nuk kemi kushte as për të bërë pankarta. Duam që zëri ynë që të dëgjohet. Do vazhdojmë të protestojmë dhe në ditët në vijim.”