Deputeti serb i Kuvendit të Kosovës, Slobodan Petrovic, ishte nisur si zakonisht tek familjarët e tij në Beograd, mirëpo dje nuk arriti të shkonte.
Deputeti që është pjesë e Kuvendit të Kosovës për 4 legjislatura ishte ndaluar në kufi dhe ishte mbajtur për pesë orë, raporton JOQ Kosova.
Menjëherë për këtë reaguan Qeveria e Kosovës, të cilët bën të ditur se Petrovic është ndaluar nga Policia serbe, duke bërë thirrje që ai të lirohet.
“Qeverisë së Republikës së Kosovës Qeveria e Republikës së Kosovës me shqetësim ka pranaur sot informatën se në vendkalimin kufitar në Merdare, është ndaluar deputeti i Republikës së Kosovës, z. Slobodan Petroviq, nga policia serbe, pa asnjë arsye dhe se i njëjti është mbajtur për orë të tëra në këtë vendkalim. Qeveria e Republikës së Kosovës e quan të pa tolerueshëm rastin e sotëm dhe kërkon që këto praktika nga ana e Serbisë të ndërpiten sa më shpejt dhe që në të ardhmen asnjë qytetarë i Kosovës, nga asnjë përkatësi etnike të mos ketë problem të tilla”, u tha në kumtesën e Qeverisë.
Mirëpo, vetë partia e deputetit serb e demantoi Qeverinë e Kosovës, duke sqaruar se Petrovicin e ndalën spiunët serbë e jo Policia.
“Pas verifikimit të dokumenteve i është thënë se duhet të presë pjesëtarët e Agjencisë informative të sigurisë (BIA-s) nga Prokupla”, thonë partia PPL.
Ndryshe, Serbia ka ashpërsuar qasjen ndaj Kosovës kohët e fundit pas vendosjes së taksës ndaj produkteve serbe, ndonëse taksa ishte vendosur pikërisht me arsyetimin se Serbia ka qasje destruktive./JOQ Kosova
