Kosova dhe Mali i Zi janë në grupin e parë në kualifikimet për Euro 2020, e kjo ka krijuar një situatë mjaft interesante.
Këto dy përfaqësuese kanë lojtarë që kanë prejardhje nga shteti kundërshtar, shkruan JOQ Kosova.
Bëhet fjalë për portierin e ri të Kosovës, Arijanet Muriqin si dhe për sulmuesin e Malit të Zi, Fatos Beqiraj.
Portieri i Kosovës që e fitoi vendin tash së fundmi, është me prejardhje nga Mali i Zi, mirëpo ka zgjedhur të mbrojë portën e Kosovës.
Ndërkohë, njeriu që udhëheqë sulmin e Mali të Zi është me prejardhje nga Kosova, mirëpo kishte zgjedhur të luante për shtetin fqinj.
Ndryshe, Kosova e Mali i Zi janë në grup me Anglinë, Çekinë e Bullgarinë, dhe llogariten si skuadra që në rast se do të kualifikohen, do të ishte befasi./JOQ Kosova