Një shqiptar nga Peja ka mbetur pa dorë pas një incidenti në vendin e tij të punës.
Policia ka bërë të ditur se viktima ka pësuar një incident në makinerinë ku punonte dhe ka humbur njërën dorë, raporton JOQ.
Sipas Policisë, ngjarja ka ndodhur dje rreth orës 15:00 në qytetin e Pejës, brenda punëtorisë së një kompanie kosovare.
“Raportohet se viktima mashkull K-Shqiptar përderisa ishte duke punuar në një kompaninë, në rrethana të panjohura ka pësuar lëndime trupore (një nga makineritë ia ka këputur dorën)”, thuhet në komunikatën e Policisë.
Zyrtarët policorë kanë sqaruar se akoma nuk dihen detajet, mirëpo kanë theksuar se gjithçka ka ndodhur në kushte të panjohura, pasi as dikush nga kolegët nuk ka folur për rastin.
Viktima është në spital për momentin dhe është jashtë rrezikut të përkeqësimit të gjendjes./JOQ
