Java e shkuar solli temperatura të ulta që shkaktuan ngrica e problem në rrugë, pasi termomatësi shënonte deri në -12 gradë Celsius.
Mirëpo, që nga dita e sotme, shqiptarët e Kosovës janë ngritur me befasi nga moti, pasi temperaturat janë ngritur dukshëm mbi minus, raporton JOQ.
Sipas “Prishtina Weather”, temperature minimale për ditën e sotme ka shënuar 2 gradë gjatë natës, ndërkaq gjatë ditës ajo do të arrijë deri në 7 gradë Celsius.
Ndërkohë, edhe ditët në vazhdim temperaturat do të qëndrojnë stabile duke shënuar nga 0 deri në 7 gradë.
Nesër mbi Kosovë vlerat atmosferike do të jenë të njëjta si sot, ndërkohë që nesër do të shënojnë një rënie të ndjeshme, e tek të shtunën ato do të prekin 0 gradë.
Ndryshe, Kosova po shënon shkallë të lartë të ndotjes së ajrit. Nga matjet që bëhen nga Ambasada Amerikane nëpër gjithë botën, Prishtina radhitet shpesh në vendin e dytë, pas Delhit të Indisë./JOQ
