Reperi e nxorri bllof në Instagram, Noizy e lë me gisht në gojë

Një sherr virtual duket se ka nisur mes dy reperëve, Noizy dhe Seven Saraçi.

Ishte ky i fundit, i cili pak ditë më parë zbuloi në një postim në Instagram se Noizy kërkon të heqë nga Youtube bashkëpunimin e tyre “Si me kon zezake”.

Në postimin që e fshiu pak minuta pas publikimit, reperi shkruante:

Noizy kërkon të tërheqë këngën “Si me kon zezake” para 4 viteve. Nuk mund t’i bëj tagg se më ka bërë block. Shumë mirë e dimë që vetë ke dasht të hysh kur e kemi punuar me Dj A-Boom-in. E dije që është hit dhe për këtë arsye hyre në këngë si mysafir. Dua thjesht të di pse je kaq i mërzitur”

Megjithatë, duket se Noizy ka pritur ditën e sotme për t'i dhënë një kundërpërgjigje Saraçit.

Reperi shqiptar i është kthyer atij sot me një postim të makinave të tij luksoze të rreshtuara njëra pas tjetrës.

Bashkëngjitur videos, ai shkruan:

Nëse nuk ke nga këto nuk do ta kthej diss-in mbrapsht”

Mbetet për t'u parë nëse reperi kosovar do të reagojë pas këtij postimi të Noizyt.