Pas shortit për elemintatoret e Europianit "Euro 2020", ka folur edhe presidenti i FSHF-së, Armand Duka.
Ky i fundit u shpreh optimist për shortin teksa deklaroi se ka besim se mund të dalim të dytët në grup.
Ai u shpreh:
Shortin e shoh pozitiv. Pasi u hodhën 2 skuadrat e para, nuk doja grupin me Gjermaninë dhe Holandën. Imagjinoni sikur të ishim te ky grup, shorti do ishte masakrues. Gjithë kokat e grupeve të tjera, janë skuadra të forta, që kanë bërë mirë vitet e fundit. Franca siç është e fortë për ne, do jetë edhe për të tjerët. Mund të konkurrojmë për një vend të dytë. Gjithsesi, ende nuk kemi nisur.
Kombëtarja shqiptare bën pjesë në Grupin H me Francën, Turqinë, Islandën, Moldavinë dhe Andorrën.