Këngëtarja e njohur Elvana Gjata, nuk është bërë fare "e gjallë" që pas ngjarjes së ndodhur në ish-Bllok.
Ajo është larguar jashtë shtetit, edhe pse kërkohet nga policia, lidhur me ngjarjen e 4 tetorit.
Policia ka kërkuar ndalimin e Gjatës pasi dyshohet se është person që ka dijeni për përplasjen me armë në lokalin Monopol në zonën e Bllokut mbrëmjen e 4 Tetorit, ku mbeti i vrarë Fabjol Gaxha dhe u plagosën Ervis Martinaj dhe Eljon Hato.
Por, shumë shpejt Elvanën do ta shohim në një bashkëpunim kinematografik me aktorin dhe moderatorin Ermal Mamaqi.
Vetë Ermali, ka publikuar në Instagram, një foto nga "dora e fundit" që po i jep filmit të tij.
Në sfond gjithashtu shihet edhe Elvana, si për të lajmëruar se së shpejti filmi do të transmetohet në të gjitha kinematë.