Për 9 vite na solli pamje mbresëlënëse të hapësirës, “vdes” teleskopi hapësinor i NASA-s

Anija hapësinore më e pabesueshme e gjuetisë së planetëve në histori i ka dhënë fund misionit të saj 9-vjeçar.

Teleskopit hapësinor të NASA-s, Kepler, i cili ka zbuluar 70 për qind të 3,800 botëve (planetëve) aliene të konfirmuar deri tani, i ka mbaruar karburanti, njoftuan sot zyrtarët e agjencisë.

Kepler nuk mund të riorientojë veten për të studiuar objekte kozmike ose për të transmetuar të dhënat e saj në Tokë, kështu që puna teleskopit legjendar mund të quhet e mbyllur pas pothuajse një dekade.

Shkencëtari i projektit, Kepler Jessie Dotson, Jessie Dotson tha:

Kepler na ka mësuar se planetët janë kudo dhe shumë të ndryshëm. Ka ndryshuar mënyrën sesi ne shikojmë në qiellin e natës".

Teleskopi hapësinor i NASA-s i ndihmoi astronomët të matnin planetë potencialë në rrugëtimet e tyre specifike.

Kepler tregoi gjithashtu se “20 deri në 50 për qind e yjeve të dukshme gjatë natës në qiell, me gjasë janë planetë shkëmborë të ngjashëm me Tokën në përmasa, e ndodhen në zonën e habitatit të yjeve mëmë të tyre.

Shkencëtarët mundën të siguronin të gjitha të dhënat e Keplerit dhe t’i transferonin në Tokë, përpara se teleskopi të mbetej thatë. NASA njoftoi se ka vendosur që ta nxjerrë jashtë funksioni Keplerin “në orbitën e tij aktuale, të sigurt dhe shumë larg nga Toka”.