Shkencëtarët në kërkim të vullnetarëve, së shpejti do të ngjizen fëmijë në… hapësirë

Ideja e lindjes së një fëmije në hapësirë ​​mund të tingëllojë si një komplot nga ndonjë film fantastiko-shkencor. Por, shkencëtarët besojnë se mund të bëhet realitet në vetëm gjashtë vjet.

“SpaceLife Origin” ka njoftuar se ka në plan të sjellë në jetë fëmijën e parë në hapësirë ​​deri në vitin 2024 – dhe po kërkojnë vullnetarë.

Kees Mulder, CEO dhe Themeluesi i SpaceLife Origins, tha:

Nëse njerëzimi dëshiron të bëhet një specie multi-planetare, duhet të mësojë se si të riprodhohet në hapësirë".

Firma pretendon se po krijon një "Inkubator hapësinor-embrioni" që do të dërgohet në hapësirë ​​duke transportuar vezë dhe spermë njerëzore në vitin 2021.

Sapo në hapësirë, firma thotë se embrionet do të konceptohen dhe do të fillojnë të zhvillohen – megjithëse detajet se si do të ndodhin ato mbeten të paqarta.

Dhe në vitin 2024, firma planifikon të sjellë fëmijën e parë në hapësirë.

Një zëdhënës i firmës tha:

Gjatë një misioni 24-36 orësh, një grua do të lindë në 250 milje mbi Tokë, e shoqëruar nga një ekip mjekësor i trajnuar, i klasit botëror. Një proces i përgatitur me kujdes dhe i monitoruar do të zvogëlojë rreziqet e mundshme, të ngjashme me standardet perëndimore, siç ekzistojnë në Tokë për nënën dhe fëmijën".

Procesi ka të ngjarë të vijë me një çmim shumë të madh.

“SpaceLife Origin”ka zbuluar se ngjizja e embrionit në hapësirë ​​do të kushtojë në mes $ 250,000 – $ 5 milion – dhe ka shumë të ngjarë që të lindësh një fëmijë në hapësirë ​​do të kushtojë edhe më shumë. /JOQ/