I ftohti intensiv njihet për vetitë e tij në kthjellimin mendor, aftësinë për të punuar më shumë orë dhe me më shumë energji, performancë më të mirë seksuale, por edhe jetë më të gjatë.
Sipas shkencës, faktikisht, të futesh në ujë të akullt stimulon sistemin vaskular në thellësi, prodhon një hyrje më të mirë të gjakut dhe përmirëson sistemin kardio-vaskular.
Banjot e akullta shërojnë dëmet që derivojnë nga aktiviteti sportiv shumë intensiv.
Kriosauna e cila është evoluimi teknologjik i banjave të akullit, është një eksperiencë shumë më 'ekstreme' dhe kërkon shumë kujdes.
Bëhet fjalë për një makinë të vërtetë që prodhon të ftohtë: konsiston në një cilindër të veçantë në të cilin një person futet duke veshur vetëm të brendshme pambuku, çorape dhe nallane tek këmbët.
Qëndrohet në këmbë, me kokën dhe qafën jashtë, ndërkohë që lirohet një re' azoti që nga gjendja e lëngshme kalon në gjendje gazi, duke arritur në temperatura nga 110 në 170 nën zero, në të cilën qëndrohet nga 1 minutë në tre.
Në këtë kohë, i ftohti penetron në pak milimetra nën lëkurë, duke provokuar një gjendje të pjesshme letargjie.
Sipas mbështetësve të kësaj procedure, efektet në trup janë të panumërta: nga ulja e stresit, tek mos plakja, nga konsumi i 900 kalorive në vetëm 3 minuta trajtim, tek heqja e celulitit e madje edhe në përmirësimin e gjendjeve të ankthit dhe depresionit.