Flakët po shkrumbojnë Kaliforninë/ John Cena dhuron 500 mijë dollarë për ata që po rrezikojnë jetën

John Cena ka bërë pjesën e tij duke ndihmuar zjarrfikësit të cilët po përballen me vatrat e zjarrit në Kaliforni.

42-vjeçari tregoi se ai do të dhurojë gjysmë milioni dollarë për organizatat të cilat mbështesin zjarrfikësit dhe tashmë pret që Paramount Pictures të bëjë të njëjtën gjë.

Me mijëra banorë të Los Angeles-it u detyruan që të braktisnin shtëpitë e tyre pas përhapjes së vatrave të zjarrit të hënën.

Sipas kryebashkiakut Eric Garcetti, flakët janë përhapur në më shumë se 200 hektarë që kur nisën orët e para të mëngjesit pranë Getty Center.

Duke postuar një video në Twitter, aktori shkroi në një mesazh shoqërues:

Po kërkoj që sot në #FirstRespondersDay të bëjmë gjithçka që mundemi për të ndihmuar ata që rrezikojnë jetën e tyre për të na mbrojtur ne të gjithëve.”

Ish-mundësi shtoi se, në kohë si këto ata që po japin jetën duke punuar pa orar kanë nevojë që të tjerët t’u sigurojnë burime.

Burimi:UNILAD|Përktheu dhe përshtati:JOQ Albania