JOQ Albania
Home

Më kollaj blen një shtëpi, ky është vendi ku një hapësirë parkimi shitet për rreth 1 milion dollarë
Shkruar nga: E Prifti | Publikuar më: 26/10/2019 22:49

  • Share
  • Share
  • Share
  • Share

Hong Kongu është edhe një vend ku mund të jetë më e kushtueshme të mbash një makinë sesa të blesh një shtëpi.

Një hapësirë parkimi prej rreth 13 metrash katrorë është shitur nga një biznesmen për 969.000 dollarë. Hapësira e parkimit u shit më 24 tetor nga biznesmeni Johnny Cheung ndërsa identiteti i blerësit nuk është zbuluar ende.

Hapësira e shitur ndodhet përpara The Center, një kullë 79-katëshe në lagjen qendrore në Hong Kong. Kompanitë si DBS Bank dhe firma ligjore Robertsons Solicitors kanë zyrat e tyre atje.

Cheung kishte në pronësi katër nga 400 hapësirat për parkim në dispozicion në këtë zonë dhe ka shitur edhe tre të tjerat më parë.

Si një prej ishujt me populli më të madhe në botë, Hong Kongu ka ‘vuajtur’ gjithnjë për hapësira.

Mbajtësi i rekordit të mëparshëm ishte një hapësirë parkimi para një blloku apartamentesh luksoze Kowloon që u shit në vitin 2018 për 760.000 dollarë.

Dhe, në Hong Kong nuk kushton shtrenjtë vetëm vendi i parkimit pasi është shpallur si qyteti më i shtrenjtë për të jetuar në vitin 2018 dhe 2019.

Burimi:Fox News|Përktheu dhe përshtati:JOQ Albania