Shoferi i linjës së autobusave Shkozet-Shijak ka rënë në prangat e policisë pasi drejtonte mjetin në gjendje të dehur. Kanë qenë vetë shoferët e autobusit ata që kanë njoftuar policinë pasi kanë vërejtur se shoferi ishte i dehur dhe kryente manovra të rrezikshme në rrugë. Pas ndalimit të shoferit dhe kryerjes së testit të alkoolit u vërtetua se shoferi 57-vjeçar ishte i dehur në masën 1.48 mg për litër.
NJOFTIMI I PLOTË:
Pas kryerjes së alkooltestit rezultoi se drejtusi i autobuzit shtetasi B.V., 57 vjeç, banues në fshatin Erzen të Shijakut, drejtonte autobuzin në gjëndje të dehur në masën 1.48 mg për litër. Në përfudnim të veprimeve u bë arrestimi në flagrancë i tij për veprën penale”Drejtimit te mjetit në mënyrë të parregullt ”(në gjëndje të dehur), dhe materialet hetimore i kaluan Prokurorisë, së Rrethit Gjyqësor Durrës për veprime të mëtejshme. Drejtoia Vendore e Policisë Durrës falënderon qytetarët që denoncojnë këto rates që sjellin pasoja në jetën dhe shëndetin e përdoruesve të rrugës dhe apelon që cilido që konstaton raste të shkeljes së rregullave të qarkullimit rrugor të denoncojnë menjëherë në 112 e Komisariatin Dixhital duke ju garantuar anonimat të plotë e reagim të menjëhershëm, pasi siguria rrugore, është një ndër prioritetet kryesore që ka Polcisa e Shtetit.
