Familja e yllit të Man.Utd përjeton tmerrin: Gjatë ndeshjes kundër Brentford hajdutët hynë në shtëpi, gruaja dhe fëmijët kyçen në dhomë

Gruaja dhe fëmijët e vegjël të yllit të Manchester United Victor Lindelof janë tmerruar pasi u mbyllën në një dhomë ndërsa disa hajdutë hynë në shtëpinë e tyre, ndërsa futbollistit luante në ndeshjen e së mërkurës në Premier League kundër Brentford . Maja Nilsson Lindelof ishte vetëm me djalin e tyre trevjeçar Ted Louie dhe foshnjën Francis kur kuptoi se dikush po hynte me forcë në shtëpi. Në një story në Instagram, gruaja e Lindelof, Maja shkruan:

Gjatë ndeshjes së Victor këtë të mërkurë mbrëma, ne patëm një vjedhje në shtëpinë tonë në Mançester. Isha vetëm në shtëpi me të dy fëmijët, por arritëm të fshiheshim dhe të mbylleshim në një dhomë përpara se ata të hynin në shtëpinë tonë. Ne jemi mirë në këto rrethana, por padyshim që ishte një moment shumë traumatik dhe i frikshëm për të dy dhe fëmijët e mi të vegjël. Tani jemi në Suedi dhe po kalojmë pak kohë me familjet tona.

Qendërmbrojtësi do të jetë i padisponueshëm për ndeshjen e United kundër West Ham pasi ai është kthyer në atdheun e tij për të qenë me gruan e tij. Lindelof u tha për momentin e tmerrshëm pas ndeshjes kundër Brentford në West Londra, të cilën United e fitoi 3-1. Ai foli gjatë me menaxherin Ralf Rangnick në avion ndërsa ata u kthyen në Mançester me pjesën tjetër të skuadrës. Bisedat e mëtejshme janë zhvilluar mëngjesin e sotëm dhe është marrë vendim që Lindelof të përjashtohet nga stërvitja dhe nga ndeshja e radhës kundër çekiçëve, në mënyrë që ai të kthehet në Suedi. Lojtari ishte i bindur se ai duhet të ishte me gruan dhe fëmijët e tij.

Në një deklaratë të United shkruhej:

Ne mund të konfirmojmë se një vejdhje ka ndodhur në shtëpinë e Victor Lindelof gjatë ndeshjes jashtë vendit kundër Brentford. Familja e tij, e cila ishte në shtëpi në atë kohë, është e padëmtuar, por qartësisht e tronditur. Kjo ishte një përvojë shqetësuese për ta, dhe për Victor kur e mësoi pas ndeshjes, dhe klubi po u ofron atyre mbështetjen tonë të plotë. Ne inkurajojmë këdo që ka informacion rreth krimit të kontaktojë policinë.