Duket se pas dozës së tretë të vaksinës, vendi ynë po shkon drejt një doze të katërt. Silva Bino, anëtare e Komitetit Teknik të Ekspertëve ka deklaruar së fundmi se doza e katërt mund të bëhet edhe në vendin tonë por vetëm për një kategori personash. Ajo tha se edhe në Shqipëri mund të lejohet aplikimi i dozës së katërt të vaksinës, por vetëm për ata persona që kanë rënie të imunitetit.
Por cilët janë personat që konsiderohen me frenim të imunitetit?
Të hënën e parë të janarit 2022, Izraeli u bë shteti i parë në botë që ofron dozën e katërt të vaksinës kundër koronavirusit për personat mbi 60 vjeç dhe punëtorët shëndetësorë. Doza e dytë përforcuese apo doza e katërt e vaksinës kundër COVID-19, sipas një studimi të bërë në Izraerl, mund ta pesëfishojë numrin e antitrupave kundër variantit Omicron.