Arjola Demiri e cila është pjesë e Big Brother Vip ka treguar shpeshherë vështirësitë që ka patur në jetë. Një ndër to është edhe marrëdhënia e saj me babain e fëmijëve me të cilin është ndarë pasi e ka tradhtuar për 6 vite me rradhë në djeni të saj. Arjola ka treguar se ish-bashkëshorti e dhunonte fizikisht dhe gjatë viteve që ka bashkëjetuar me të ajo ka vuajtur nga depresioni dhe ka tentuar të vrasë edhe veten. “Albeu” ka mësuar se ky ish-bashkëshort, të cilit Arjola i referohet vetëm si babai i fëmijëve quhet Ajax Boshnjaku. Boshnjaku është emër i njohur për mediat dhe botën e krimit.
Emri i tij është i përfshirë në masakrën e 4 tetorit 2018 në ish-Bllok ku mbeti i vrarë Fabiol Gaxha dhe të plagosur rëndë Ervis Martinaj dhe Eljon Hato. Ajaxi, miku i i Ervin Matës u akuzua për moskallëzim krimi. Ndërkohë mësohet se Ajax Boshnjaku është sot babi i dy djemve binjak me një grua tjetër me të cilën Arjola Demiri ka edhe çështje penale. Arjola ka treguar se ka marrë më në fund kujdestarinë e 3 fëmijëve që ka patur nga bashkëjetesa me Ajaxin, pasi ajo nuk ka patur një celebrim me ligj me të.
