Me afrimin e festave të fundvitit burgjet në vendin tonë kanë marrë masa për parandalimin e infektimeve me Covid pasi fluksi i takimeve shtohet edhe më tepër. Sipas "ReportTv" familjarët do të lejohen të takojnë të afërmit e tyre vetëm nëse kanë pasaportë vaksinimi ose test. Ndërkohë janë shtuar edhe masat e kontrolleve në burgje me qëllim parandalimin e infektimeve me Covid. Por jo vetëm kaq pasi edhe të arrestuarit apo ata që futen në burg me vendim gjykate do të testohen para se të hyjnë në ambientet e burgjeve, por jo ata që kanë kryer vaksinimin.
Kujtojmë se ditë më parë ministri i Drejtësisë Ulsi Manja njoftoi se nuk ka në plan të propozojë falje për të dënuarit, pra s'do ketë amnisti.
