Nuk është e pazakontë të shohësh burra duke pirë heroinë në jugperëndim të Kabulit. Por ajo që mund të jetë më befasuese për ata që kalojnë nëpër këto zona është pamja shqetësuese e heroinës që u jepet qenve endacakë që enden në zonë. Ahmad (jo emri i tij i vërtetë) ka pirë heroinë për disa vite dhe merret me vjedhje, lypje dhe mbledhje të shisheve plastike për riciklim. Një qen endacak i racës së përzier, me gjasë i lindur në rrugët e Kabulit qendron me të. Ahmedi i vendos një shishe plastike mbi hundën e qenit dhe fryn tymin e heroinës në pjesën e sipërme të hapur.
Një nga burrat e pastrehë shpjegon se dhënia e heroinës për qentë endacakë bëhet që ata të varen prej tyre dhe të kthehen çdo natë dhe të ofrojnë ngrohje dhe rehati trupore për të varurit gjatë dimrit. Pas marrjes së pushtetit në gusht, talebanët thanë se ishin të përkushtuar për të zhdukur varësinë nga narkotikët dhe për të eliminuar të gjithë prodhimin dhe kontrabandën e drogës në Afganistan. Ka pasur raportime në Kabul për policët talebanë që kanë grumbulluar dhe rrahur të pastrehë të varur nga droga ose i kanë çuar me forcë në qendrat e rehabilitimit. Burrat e pastrehë në Shahr-e Naw kanë frikë se do të rrihen ose më keq nëse zbulohen duke pirë heroinë, pasi kanë dëgjuar për persona të varur që vriten nga talebanët.
Ahmedi dhe të varurit e tjerë në këtë komunitet të pastrehë të shkatërruar nga droga e thërrmojnë drogën mbi letër kallaji, e ngrohin me një çakmak dhe përdorin një kashtë të hollë për të thithur tymin. Heroina është në dukje e lirë në Kabul, me të varurit që shpenzojnë rreth 200 Afs (2,20 dollarë) (1,60 £) në ditë, por shumë prej tyre punojnë gjatë gjithë ditës dhe gjatë natës për një dozë.
Burimi:dailymail Përktheu dhe përshtati:JOQ ALBANIA