Aktivistja Evi Kokalari është e pranishme në "Foltoren" e Berishës që po mbahet në New Jersey të SHBA-ve. Ajo është shprehur se PD do të konvertohet në një Parti Demokratike Konservatore, ndërsa shtoi se e ka parë vetë Kushtetutën e re. Sipas saj, komuniteti shqiptaro-amerikan duhet t'i qëndrojë afër kongresmenëve, sepse "në raste të tilla që po kalon tashmë Shqipëria na duhet ndihma e tyre dhe gjithashtu edhe për Kosovën".
Kokalari tha:
Për ju që jeni në Shqipëri dhe nuk e shikoni këtë sallën dua t’ju them zoti Berisha se këtu janë mbi 700 veta. Di t’ju them që realiteti është që PD do konvertohet në një Parti Konservatore. E kam parë vetë kushtetutën e re të PD dhe nuk duhet të flas për të, por më besoni është njësoj si ajo e Partisë Republikane në SHBA. Foltorja sot do jetë pak e gjatë se është e vetmja që do bëjmë në Amerikë. Ne si komunitet shqiptaro-amerikanë kemi një mision, duhet të jemi shumë afër kongresmenëve sepse në raste të tilla që po kalon tashmë Shqipëria na duhet ndihma e tyre dhe gjithashtu edhe për Kosovën. Secili nga ju mund të bëjë një ndryshim dhe merreni shumë seriozisht këtë, deri tani e keni bërë luftën vetëm, por imagjinoni të jemi të gjithë bashkë për Kongresin. Dua të falenderoj edhe njerëzit nga "Vatra" ju e dini se kam pasur një debat me ta së fundmi, por ata duhet të na rrinë edhe më shumë krah nesh.