Covid-19 i ka marrë jetën drejtorit të gjimnazit "Babë Dudë Karbunara” Llazar Palla. Prej 1 muaji ai ishte i intubuar në një spital privat në Tiranë, por ditëve të fundit gjendja e tij shëndetësore u përkeqësua. 62-vjeçari ishte infektuar me Covid dy muaj më parë, por për shkak të gjendjes së rënduar ishte dërguar drejt Tiranë dhe ndenji rreth 1 muaj i intubuar. Kolegët, nxënësit dhe miqtë e tij kanë shprehur ngushëllimet në rrjetet sociale.
Vlen të thuhet se gjimnazi "Babë Dudë Karbunara", që 62-vjeçari drejtonte është një prej gjimnazeve që ka raportuar shumë raste me Covid tek nxënësit por edhe te mësuesit.